Rënia e flokëve
Disa javë pas lindjes, flokët fillojnë të bien më shumë se zakonisht. Njerëzit humbin mesatarisht 100 qime në ditë, por për shkak të hormoneve gjatë shtatzënisë, qimet bien shumë më pak. Në gjashtë muajt e parë pas lindjes bien dy herë më shumë qime. Rënia e shtuar e flokëve mund të vazhdojë tre deri në nëntë muaj pas lindjes, në varësi të kohëzgjatjes së ushqyerjes me gji. Rënia e flokëve ndalet pesëmbëdhjetë muaj pas lindjes.
Ndonjëherë mund të ndodhë që dendësia dhe cilësia e flokëve pas lindjes të mbeten përgjithmonë më të dobëta në krahasim me periudhën para shtatzënisë.
Ndryshimet në bark
Ndryshimet e lëkurës fillojnë tashmë gjatë shtatzënisë dhe nëse gjatë shtatzënisë keni marrë një vijë kafe në bark, ajo do të zhduket pas lindjes. Nëse keni strija, ato do të jenë të kuqe të ndezura menjëherë pas lindjes, dhe më vonë ato do të zbehen. Pas lindjes do të vini re gjithashtu se barku juaj është më i lëshuar. Gjatë shtatzënisë vija qendrore e barkut ndahet dhe muskujt shtrihen dhe indet yndyrore grumbullohen në atë pjesë të trupit.
Në mënyrë që trupi të kthehet në gjendjen e tij të mëparshme rekomandohet të bëni ushtrime kardio, pra vrapim të lehtë dhe ecje të shpejtë.
Probleme me urinim
Ndryshe nga shtatzënia, kur ju është dashur të urinoni shpesh për shkak të pozicionit të foshnjës dhe presionit në fshikëz, tani nuk keni më nevojë të urinoni aq shpesh. Por për shkak të presionit në uretrën gjatë lindjes, mund të keni probleme me urinimin pas lindjes.
Gjithashtu pas lindjes, mund të vuani nga një infeksion i traktit urinar, i cili gjithashtu mund të shkaktojë djegie kur urinoni.
Gjakderdhja vaginale
Pas lindjes fillon gjakderdhja vaginale dhe në këtë mënyrë çdo gjë që mbetet në mitër nga shtatzënia del jashtë dhe zgjat disa javë. Pas lindjes, gratë gjithashtu mund të vërejnë se vagina e tyre është më e lëshuar dhe e ndjeshme. Kanali i lindjes ndryshon pas lindjes dhe pamja e kanalit të lindjes pas lindjes varet nga cilësia e indit të perineumit, nga elasticiteti i tij dhe nga madhësia e foshnjës dhe pozicioni i të porsalindurit në lindje. Edhe pse tek shumica e femrave kanali i lindjes do të kthehet në përmasat e tij fillestare përafërsisht si para shtatzënisë, për shkak të dobësimit të muskujve të legenit, kanali i lindjes nuk do të ketë saktësisht të njëjtën formë dhe madhësi.
Ndryshimet e gjirit
Gjoksi ndryshon për shkak të vetë shtatzënisë. Gjatë shtatzënisë, nën ndikimin e hormoneve, gjinjtë pothuajse gjithmonë bëhen të tensionuar dhe të mbushur. Gjëndrat e qumështit tashmë përjetojnë ndryshime të shumta gjatë shtatzënisë. Pavarësisht nëse një grua është duke ushqyer me gji apo jo, gjinjtë e saj prodhojnë qumësht, ndonjëherë edhe gjatë shtatzënisë, është një rritje graduale e gjinjve, të cilët kthehen në formën e tyre origjinale menjëherë pas ndërprerjes së ushqyerjes me gji. Pas ndërprerjes së ushqyerjes me gji, forma e gjinjve ndryshon sepse gjëndrat në gji kthehen në formën e tyre të mëparshme.
Venat me variçe
Problemet me këmbët e fryra dhe venat me variçe mund të shfaqen gjatë shtatzënisë. Pas lindjes në forma të lehta të variçeve, ekziston mundësia që variçet të tërhiqen pa terapi. Në format më të rënda rekomandohet kryerja e një ndërhyrjeje kirurgjikale tre deri në gjashtë muaj pas lindjes, varësisht nga ashpërsia e sëmundjes. /natalmedia.com/
Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
